Istruzzjonijiet għall-użu

l-pinna Cosentyx tal-150 mg SensoReady murija bl-għatu mneħħi. Tneħħix l-għatu qabel ma tkun lest biex tinjetta l-mediċina.

Aħżen il-kaxxa bil-pinna fi friġġ f’temperatura bejn 2°C u 8°C u tħallihiex fejn jistgħu jilħquha t-tfal.

• Tiffriżax il-pinna.
• Tħawwadx il-pinna.
• Tużax il-pinna jekk twaqqgħet u kienet bla għatu.

Sabiex tinjetta s-soluzzjoni b’aktar kumdità, oħroġ il-pinna mill-friġġ 15-30 minuta qabel l-injezzjoni biex tagħtiha ċans tilħaq it-temperatura tal-kamra.

Inkluż fil-pakkett:

Pinna Cosentyx tal-150 mg SensoReady ġdida u mhux użata (meħtieġa pinna waħda għal doża ta’ 150 mg u huma meħtieġa 2 pinen għal doża ta’ 300 mg).

Mhux inklużi fil-pakkett:

• Tajjara bl-alkoħol.
• Biċċa tajjara jew garża.
• Kontenitur li fih jintremgħu oġġetti  bil-ponta jew li jaqtgħu.

1.  Aspetti ta’ sigurtà importanti qabel ma tieħu l-injezzjoni:

Il-likwidu għandu jkun ċar. Il-kulur tiegħu jista’ jvarja minn bla kulur għal ħarira fl-isfar.

Kellem lill-ispiżjar tiegħek jekk il-pinna ma tilħaqx xi wieħed minn dawn l-aspetti ta’ sigurtà.

2a. Agħżel il-post tal-injezzjoni:

• Il-post irrakkomandat hu l-parti ta’ quddiem tal-koxox. Tista’ tuża wkoll in-naħa ta’ isfel ta’ żaqqek, imma mhux l-erja ta’ 5 ċentimetri madwar iż-żokra.
• Agħżel post differenti kull darba li tagħti l-injezzjoni lilek innifsek.
• Tinjettax il-mediċina f’żoni fejn il-ġilda hi sensittiva, imbenġla, ħamra, bil-qxur jew iebsa. Evita żoni b’ċikatrici jew bi stretch marks.

2b. Persuni oħrajn u professjonisti fil-qasam mediku biss:

• Jekk din l-injezzjoni qed tagħtihielek persuna oħra jew professjonist fil-qasam mediku, jistgħu jtaqqbuk ukoll fin-naħa ta’ barra tal-parti ta’ fuq ta’ dirgħajk.

3.  Naddaf il-post tal-injezzjoni:

• Aħsel idejk bis-sapun u l-ilma sħun.
• Naddaf il-post tal-injezzjoni b’tajjara bl-alkoħol permezz ta’ moviment ċirkolari. Ħallih jinxef qabel ma tinjetta l-mediċina.
• Terġax tmiss il-parti mnaddfa qabel l-injezzjoni.

 4.  Neħħi l-għatu:

• Neħħi l-għatu biss meta tkun lest biex tuża l-pinna.
• Neħħi l-għatu billi ddawwar fid-direzzjoni tal-vleġeġ.
• Ġaladarba taqla’ l-għatu, armih. Tippruvax twaħħal l-għatu mill- ġdid.
• Uża l-pinna fi żmien 5 minuti minn meta tneħħi l-għatu.

5.  Kif iżżomm il-pinna tiegħek:

• Żomm il-pinna f’angolu ta’ 90 grad mal-post imnaddaf fejn se tagħti l-injezzjoni.

TRID TAQRA DAN QABEL L-INJEZZJONI. 

Waqt l-injezzjoni se tisma’ 2 ħsejjes ifaqqgħu. 
L-ewwel ħoss juri li l-injezzjoni bdiet. Bosta sekondi wara se tisma’ t-tieni ħoss li jurik li l-injezzjoni kważi lesta.
Għandek tibqa żżomm il-pinna sew mal-ġilda tiegħek sakemm tara indikatur aħdar jimla t-tieqa u jieqaf jiċċaqlaq.

 6.  Kif tibda l-injezzjoni:

• Agħfas il-pinna sew mal-ġilda sabiex tibda l-injezzjoni.
• L-ewwel ħoss juri li l-injezzjoni bdiet.
• Ibqa’ żomm il-pinna sew mal-ġilda tiegħek.
• L-indikatur l-aħdar juri l-progress tal-injezzjoni.

7.  Kif tintemm l-injezzjoni:

• Isma’ t-tieni ħoss. Dan juri li l-injezzjoni kważi lesta.
• Iċċekkja li l-indikatur l-aħdar mela t-tieqa u waqaf jiċċaqlaq.
• Il-pinna issa tista’ titneħħa.

8.  Iċċekkja li l-indikatur l-aħdar jimla t-tieqa:

• Dan ifisser li l-mediċina ingħatat. Kellem lit-tabib tiegħek jekk l-indikatur aħdar ma jidhirx.
• Jista’ jkun hemm ammont żgħir ta’ demm fil-post fejn ingħatajt l-injezzjoni. Tista’ tagħfas biċċa tajjara jew garża fuq il-post tal-injezzjoni u żommha għal 10 sekondi. Togħrokx il-post fejn ittaqqabt. Tista’ tgħatti l-post fejn ittaqqabt bi stikk żgħir, jekk hemm bżonn.

9.  Kif tarmi l-pinna Cosentyx SensoReady tiegħek:

• Armi l-pinna użata f’kontenitur li fih jintremgħu oġġetti bil-ponta jew li jaqtgħu (jiġifieri kontenitur magħluq li ma jittaqqabx, jew simili).
• Qatt m’għandek terġa’ tuża l-pinna.